close

క్వార్టర్స్‌లో సింధు, శ్రీకాంత్‌
చాంగ్‌జౌ: భారత స్టార్‌ క్రీడాకారులు పి.వి.సింధు, కిదాంబి శ్రీకాంత్‌లు చైనా ఓపెన్‌ బీడబ్ల్యూఎఫ్‌ ప్రపంచ టూర్‌ 1000 బ్యాడ్మింటన్‌ టోర్నీలో క్వార్టర్‌ఫైనల్లోకి దూసుకెళ్లారు. గురువారం జరిగిన మహిళల సింగిల్స్‌ ప్రిక్వార్టర్స్‌లో మూడో సీడ్‌ సింధు 21-23, 21-13, 21-18తో బుసానన్‌ (థాయ్‌లాండ్‌)పై గెలుపొందింది. పురుషుల సింగిల్స్‌లో ఏడో సీడ్‌ కిదాంబి శ్రీకాంత్‌ 21-12, 15-21, 24-22తో సుపన్యు (థాయ్‌లాండ్‌)పై నెగ్గి క్వార్టర్స్‌లో అడుగుపెట్టాడు. డబుల్స్‌లో ప్రిక్వార్టర్స్‌లో భారత్‌ పోరాటం ముగిసింది. పురుషుల డబుల్స్‌లో సుమీత్‌రెడ్డి- మను అత్రి 9-21, 10-21తో చెంగ్‌ హుంగ్‌- వాంగ్‌ లిన్‌ (చైనీస్‌ తైపీ) చేతిలో; మిక్స్‌డ్‌ డబుల్స్‌లో సాత్విక్‌ సాయిరాజు- అశ్విని పొన్నప్ప 14-21, 11-21తో జెంగ్‌- హువాంగ్‌ (చైనా) చేతిలో, ప్రణవ్‌ చోప్రా- సిక్కిరెడ్డి 16-21, 10-21తో మథియస్‌- క్రిస్టినా (డెన్మార్క్‌) చేతిలో ఓడారు.

ప్రధానాంశాలు

వార్తలు / కథనాలు

జిల్లా వార్తలు
జిల్లా తాజా వార్తలు

దేవ‌తార్చ‌న

రుచులు

© 1999- 2018 Ushodaya Enterprises Pvt.Ltd,All rights reserved.
Designed & Developed by Eenadu WebHouse
For Digital Marketing enquiries Contact : 9000180611, 040 - 23318181 eMail :marketing @eenadu.net
Best Viewed In Latest Browsers

Contents of eenadu.net are copyright protected.Copy and/or reproduction and/or re-use of contents or any part thereof, without consent of UEPL is illegal.Such persons will be prosecuted.