నాలుగో... స్సారి!
వరుసగా ఓటమిపాలైన స్థానాల్లో కొత్త అభ్యర్థులు
రాజస్థాన్‌లో కనీసం 50 చోట్ల మార్పు
యువత, మహిళలకు కాంగ్రెస్‌ ప్రాధాన్యం
తొలి ప్రయత్నం. విఫలం. రెండోసారి... అదే ఫలితం. మూడోసారీ... మార్పులేదు! అందుకే, రాజస్థాన్‌లో కాంగ్రెస్‌ పార్టీ పంథా మార్చుకుంది. వరుసగా రెండు, మూడుసార్లు ఓటమిపాలైన స్థానాల్లో నాయకత్వాన్ని మార్చేస్తోంది. అక్కడ కొత్త ముఖాలను తెరపైకి తెస్తోంది.
ముఖ్యంగా సామాజిక సేవా కార్యక్రమాల ద్వారా ప్రజలతో బాగా కనెక్ట్‌ అయిన యువతకూ, మహిళలకూ ప్రాధాన్యమిస్తోంది. చిరకాల మద్దతు వర్గాలవారికీ అవకాశమిస్తోంది. తద్వారా క్షేత్రస్థాయిలో మార్పు తీసుకురావచ్చన్నది ఆ పార్టీ దీర్ఘాలోచన.
2003, 2008, 2013 శాసనసభ ఎన్నికల్లో కాంగ్రెస్‌ పార్టీకి వరుసగా 30 స్థానాల్లో ఓటమి ఎదురైంది. 2008, ఆ తర్వాతి ఎన్నికలను పరిగణనలోకి తీసుకుంటే... ఇలాంటివి 65 స్థానాలున్నాయి. నిజానికి ఇవన్నీ భాజపాకు కంచు కోటల్లాంటివే. అభ్యర్థి సత్తా, సామాజిక సమీకరణాలు ఇతరత్రా అంశాలెన్నో గెలుపోటముల్ని నిర్ణయిస్తాయనీ... వీటన్నింటిలో ముఖ్యమైనది అభ్యర్థి ఎంపికేనని కాంగ్రెస్‌ పోటీదారుల వడపోత ప్రక్రియలో పాల్గొంటున్న సీనియర్‌ నాయకుడొకరు చెప్పారు. 200 స్థానాలున్న రాజస్థాన్‌లో కనీసం 50 చోట్ల కాంగ్రెస్‌ కొత్తవారిని బరిలోకి దించనుందట. ఈ మార్పుతోనైనా... ఆయా చోట్ల ఈసారి విజయం వరిస్తుందా!?

కథనాలు

జిల్లా వార్తలు
జిల్లా తాజా వార్తలు

దేవ‌తార్చ‌న

రుచులు

© 1999- 2018 Ushodaya Enterprises Pvt.Ltd,All rights reserved.
Designed & Developed by Eenadu WebHouse
For Digital Marketing enquiries Contact : 9000180611, 040 - 23318181 eMail :marketing @eenadu.net
Best Viewed In Latest Browsers

Terms & Conditions   |    Privacy Policy

Contents of eenadu.net are copyright protected.Copy and/or reproduction and/or re-use of contents or any part thereof, without consent of UEPL is illegal.Such persons will be prosecuted.