అతివలకు అత్తెసరే
వకాశమిస్తే అద్భుత విజయాలు కైవసం చేసుకుంటామని మధ్యప్రదేశ్‌ మహిళా నేతలు నిరూపిస్తున్నా.. ఏ పార్టీ కూడా వారికి సరైన ప్రాధాన్యం ఇవ్వడంలేదు. పట్టుమని 10 శాతానికి మంచి టికెట్లు కేటాయించడం లేదు. నేతల ప్రసంగాల్లో కనిపిస్తున్న మహిళాసాధికారత ఆచరణలో అంతంత మాత్రంగానే ఉంటోంది. ఈ విషయంలో ఏ ఒక్క పార్టీనో తప్పుబట్టడం లేదని.. రాజకీయ వాతావరణం మహిళలకు అనుకూలంగా మారాల్సిన అవసరం ఎంతైనా ఉందని రాష్ట్రానికి చెందిన మహిళా నేతలు అభిప్రాయపడుతున్నారు. పక్కాగా మహిళలకు 33 శాతం రిజర్వేషన్లు కల్పిస్తేనే ఫలితం ఉంటుందని చెబుతున్నారు.
* 2008 ఎన్నికల్లో పోటీచేసిన పురుష అభ్యర్థుల్లో 6.9 శాతం మాత్రమే విజయం సాధించగా.. మహిళల్లో 10.8 శాతం గెలిచారు. అదే 2013లో బరిలో నిలిచిన పురుషుల్లో 8.3 శాతం, మహిళల్లో 15 శాతం విజయతీరాలకు చేరారు. ఈ విధంగా విజయావకాశాలు మహిళలకే ఎక్కువగా ఉన్నా.. ఏ పార్టీ కూడా తమను పట్టించుకోవడం లేదని వారు వాపోతున్నారు.
* 2013లో భాజపా 28 మంది, కాంగ్రెస్‌ 23 మంది మహిళా అభ్యర్థులను బరిలో నిలిపాయి.
* ప్రస్తుత అసెంబ్లీలో ఓ నామినేటెడ్‌ సభ్యురాలితో కలిపి 33 మంది మహిళా ప్రజాప్రతినిధులు ఉన్నారు. కానీ, ఇందులో ఎక్కువ మంది బలమైన రాజకీయ నేపథ్యమున్న కుటుంబాలకు చెందినవారే కావడం గమనార్హం. ఈ సారైనా తగిన ప్రాతినిధ్యం కల్పించాలని మహిళామణులు కోరుతున్నారు.

కథనాలు

జిల్లా వార్తలు
జిల్లా తాజా వార్తలు

దేవ‌తార్చ‌న

రుచులు

© 1999- 2018 Ushodaya Enterprises Pvt.Ltd,All rights reserved.
Designed & Developed by Eenadu WebHouse
For Digital Marketing enquiries Contact : 9000180611, 040 - 23318181 eMail :marketing @eenadu.net
Best Viewed In Latest Browsers

Terms & Conditions   |    Privacy Policy

Contents of eenadu.net are copyright protected.Copy and/or reproduction and/or re-use of contents or any part thereof, without consent of UEPL is illegal.Such persons will be prosecuted.