latest breaking telugu news
close

తాజావార్తలు

దిల్లీలో అతిపెద్ద థర్మల్‌ ప్లాంట్‌ మూసివేత

దిల్లీ: రాజధాని దిల్లీ నగరంలో కాలుష్యం విపరీతంగా పెరిగిపోయిన నేపథ్యంలో అత్యవసరంగా కాలుష్య నియంత్రణ కార్యక్రమాలను చేపడుతున్నారు. ఇందులో భాగంగానే నగరంలోని అతిపెద్ద థర్మల్‌ విద్యుత్‌ కేంద్రాన్ని ఈరోజు నుంచి శాశ్వతంగా మూసేయాలని ప్రభుత్వం నిర్ణయించింది. అలాగే నగరంలోని రహదారులను ప్రత్యేకమైన మెషిన్లతో శుభ్రం చేయించనున్నట్లు అధికారులు వెల్లడించారు. నగరంలో ఉష్ణోగ్రతలు పడిపోతూ ఉండగా కాలుష్యం విపరీతంగా పెరుగుతోంది. ఈరోజు దిల్లీలో గాలి నాణ్యత చాలా తక్కువగా ఉందని అధికారులు తెలిపారు. దీంతో కేంద్ర కాలుష్య నియంత్రణ మండలి అత్యవసరంగా కాలుష్య నియంత్రణకు కార్యాచరణను రూపొందించిది. దానిని నేటి నుంచి అమలు చేస్తోంది.

నగరంలో కాలుష్యానికి అధికంగా కారణమవుతున్న బదార్‌పూర్‌ థర్మల్‌ విద్యుత్‌ కేంద్రాన్ని ఈరోజు నుంచి మూసేస్తున్నారు. రద్దీ ప్రాంతాల్లో ట్రాఫిక్‌ ఎక్కువ సేపు ఆగకుండా ట్రాఫిక్‌ పోలీసులను మరికొంత మందిని నియమించారు. నగరంలో చెత్త కాల్చడాన్ని అధికారులు నిషేధించారు. దిల్లీ నగరంలో జనరేటర్ల వాడకాన్ని కూడా నిషేధించారు. ఎన్సీఆర్‌ ప్రాంతంలో విద్యుత్‌ సరఫరా పరిస్థితిని దృష్టిలో ఉంచుకుని అక్కడ నిషేధించలేదు. గాలి కాలుష్యం ఇంకా పెరిగితే పార్కింగ్‌ ఫీజును మూడు లేదా నాలుగు రెట్లు పెంచుతామని అధికారులు తెలిపారు. కాగా బస్సులు, మెట్రో సర్వీసుల సేవలను పెంచుతామని తెలిపారు.

తక్షణమే దిల్లీలో నిర్మాణ పనులను, భవనాల కూల్చివేత పనులను ఆపేయాలని దిల్లీ అధికారులు ప్రభుత్వ రంగ సంస్థ అయిన నవరతన్‌ సెంట్రల్‌ పబ్లిక్‌ సెక్టార్‌కు తెలిపారు. పరిస్థితి ఇంకా దిగజారితే నగరంలో రోడ్లపై నీళ్లు చల్లడం, దుమ్ము బాగా లేస్తున్న రోడ్లను బాగు చేయడం తదితర కార్యక్రమాలు చేపట్టనున్నట్లు తెలిపారు. అత్యవసరమైన వస్తువులను తీసుకొచ్చే ట్రక్కులు మినహా వాటిని నగరంలోకి రాకుండా ఆపడం, నిర్మాణ పనులు ఆపించడం తదితర చర్యలు తీసుకుంటామని చెప్పారు. పరిస్థితి దారుణంగా ఉంటే స్కూళ్లు కూడా మూసేస్తామని అన్నారు. దిల్లీ, పరిసర ప్రాంతాల్లో కాలుష్య నియంత్రణ చర్యలను సరిగ్గా పాటిస్తున్నారా లేదో పర్యవేక్షించేందుకు 41 బృందాలను ఏర్పాటు చేసినట్లు తెలిపారు. దిల్లీలో ఈ సమయంలో కాలుష్యం చాలా ఎక్కువగా ఉంటుంది. పంజాబ్‌, హరియాణాల్లో పంట వ్యర్థాలు, గడ్డిని కాల్చడం కూడా ఇందుకు ఓ కారణం.


రాజకీయం

జనరల్‌

సినిమా

మరిన్ని

క్రైమ్

మరిన్ని

స్పోర్ట్స్

మరిన్ని

బిజినెస్‌

మరిన్ని

జాతీయ-అంతర్జాతీయ

మరిన్ని
జిల్లా వార్తలు
జిల్లా తాజా వార్తలు

దేవ‌తార్చ‌న

రుచులు

© 1999- 2018 Ushodaya Enterprises Pvt.Ltd,All rights reserved.
Designed & Developed by Eenadu WebHouse
For Digital Marketing enquiries Contact : 9000180611, 040 - 23318181 eMail :marketing @eenadu.net
Best Viewed In Latest Browsers

Terms & Conditions   |    Privacy Policy

Contents of eenadu.net are copyright protected.Copy and/or reproduction and/or re-use of contents or any part thereof, without consent of UEPL is illegal.Such persons will be prosecuted.