close

శుక్రవారం, జూలై 20, 2018

జనరల్

పంచాయతీరాజ్‌ పనులు వేగవంతం
జిల్లా పాలనాధికారి సర్ఫరాజ్‌ అహ్మద్‌
కరీంనగర్‌ పట్టణం, న్యూస్‌టుడే: జిల్లాలో వివిధ పథకాల కింద పంచాయతీరాజ్‌ శాఖకు మంజూరైన పనులను వేగవంతంగా పూర్తి చేయాలని జిల్లా పాలనాధికారి సర్ఫరాజ్‌ అహ్మద్‌ ఆదేశించారు. గురువారం సాయంత్రం పాలనాధికారి సమావేశమందిరంలో పంచాయతీరాజ్‌ శాఖ ద్వారా జరుగుతున్న అభివృద్ధి పనులపై సమీక్ష సమావేశం నిర్వహించారు. ఈ సందర్భంగా మాట్లాడుతూ జిల్లాలో రూ.495.87కోట్ల విలువ గల 5,139 వివిధ పనులు ప్రగతిలో ఉన్నాయని, ఇంకా 1,465 పనులు ప్రారంభించలేదన్నారు. ప్రారంభించని పనులకు సర్పంచులతో తీర్మానాలు తీసుకొని వెంటనే ప్రారంభించాలన్నారు. జిల్లాలో రూ.145.69కోట్లతో 110గ్రామీణ రోడ్ల నిర్మాణాలు మంజూరు కాగా, అందులో 79 పనులు పూర్తి కాగా 12 పనులు ప్రగతిలో ఉన్నాయని, మరో 19 పనులు ఒప్పంద దశలో ఉన్నాయని వివరించారు. రూ.31.53 కోట్లతో 17 బ్రిడ్జిలు మంజూరు కాగా 13 బ్రిడ్జి నిర్మాణాలు పూర్తి కాగా, మిగతావి ప్రగతిలో ఉన్నాయని తెలిపారు. జాతీయ ఉపాధి హామీ పథకం కింద 2016-17లో రూ.38.10కోట్లతో 688 పనులు పూర్తి చేశారని, 109 రోడ్డు నిర్మాణ పనులు ప్రగతిలో ఉండగా మిగతా 39 పనులు ప్రారంభించలేదన్నారు. 2017-18లో 90శాతం నిధులతో రూ.36.64కోట్లతో 809 పనులు మంజూరు చేయగా 197 పనులు మాత్రమే పూర్తి చేశారని, 73 పనులు ప్రగతిలో ఉన్నాయన్నారు. వారం రోజుల్లో మిగతా 539 పనులు ప్రారంభించాలని, వీటికి సర్పంచుల తీర్మానాలు తీసుకోవాలని సూచించారు. సమావేశంలో ఎస్‌ఈ రవీందర్‌రెడ్డి, ఈఈ విష్ణువర్దన్‌, డీఈఈలు, ఏఈలు, పంచాయతీ అధికారి నారాయణరావు తదితరులు పాల్గొన్నారు.

మరిన్ని వార్తలు

జిల్లా వార్తలు

© 1999- 2018 Ushodaya Enterprises Pvt.Ltd,All rights reserved.
Designed & Developed by Eenadu WebHouse
For Digital Marketing enquiries Contact : 9000180611, 040 - 23318181 eMail :marketing @eenadu.net
Best Viewed In Latest Browsers

Contents of eenadu.net are copyright protected.Copy and/or reproduction and/or re-use of contents or any part thereof, without consent of UEPL is illegal.Such persons will be prosecuted.