close

శుక్రవారం, సెప్టెంబర్ 21, 2018

జనరల్

భక్తులకు తోడుగా.. గొడుగుల నీడగా..!
గూగూడు(నార్పల గ్రామీణం), న్యూస్‌టుడే: బంగారు గొడుగుల నీడలో.. భక్తులకు తోడుగా నిలిచాడు గూగూడు కుళ్లాయిస్వామి. బ్రహ్మోత్సవాలు కనుల పండువగా సాగుతున్నాయి. గురువారం విడిదినం కావడంతో ఆలయ ప్రధాన అర్చకులు హుసేనప్ప ఆధ్వర్వంలో పీర్లచావిడిలో కొలువుదీరిన కుళ్లాయిస్వామితో పాటు 21 పీర్లకు ప్రత్యేక అలంకరణలతో  నిత్యపూజ నివేదనలు చేశారు. స్వామివారికి ప్రత్యేకంగా తయారు చేసిన వెండి, బంగారు గొడుగులతో అలంకరణలు చేశారు. రాష్ట్రం నలమూలల నుంచి లక్షలాదిగా భక్తులు తరలివచ్చారు. స్వామివారి దర్శనానికి మూడు గంటల సమయం పట్టింది. బస్తాల కొద్దీ చక్కెర, కొబ్బరి సమర్పించి, బంగారు, వెండి గొడుగులు చేయించి స్వామివారికి మొక్కులు చెల్లించుకున్నారు. మాలధరణ(పకీర్లు) ధరించిన భక్తులు స్వామివారికి పానకాలు సమర్పించి చదివింపులు చేశారు. మతసామర్యనికి ప్రతీకగా నిలిచిన గూగూడులో హిందూ, ముస్లిం భక్తులు జంటదేవాలయాల్లో ప్రత్యేక పూజలు చేశారు. మండలంలోని వివిధ వివిధ గ్రామాల నుంచి స్వామివారి భక్తులు కాలినడకన గూగూడుకు చేరుకుని స్వామివారిని దర్శించుకున్నారు. ఎండు మొద్దులను అగ్నిగుండంలో వేసి మొక్కులు తీర్చుకున్నారు. దీర్టకాలిక వ్యాధులు ఉన్న భక్తులు అగ్నిగుండం చుట్టూ పొర్లు దండలు పెట్టి చక్కెర, ఎండు కొబ్బరిని అగ్నిగుండంలో వేశారు. అగ్నిగుండంలో కాలుతున్న కొబ్బరిని తింటే సర్వరోగాలు నయం అవుతాయని కాలిన కొబ్బరి తీసుకునేందుకు భక్తులు పోటీ పడ్డారు. లక్షలాదిగా భక్తులు గూగూడు తరలిరావడంతో ఆలయ పరిసరాలు కిటకిటలాడాయి. శుక్రవారం స్వామివారి పెద్దసరిగెత్తుకు అధిక సంఖ్యలో భక్తులు తరలిరానున్నారు. రాత్రికి స్వామివారి గ్రామోత్సవం, అగ్నిగుండ ప్రవేశం ఉంటుందని ఆలయ అర్చకులు తెలిపారు. ఆలయ పరిసరాల్లో ఎలాంటి ఆ వాంఛనీయ సంఘటనలు జరగకుండా ఎస్సై శ్రీనివాసులు బందోబస్తు చేపట్టారు.

మరిన్ని వార్తలు

జిల్లా వార్తలు

© 1999- 2018 Ushodaya Enterprises Pvt.Ltd,All rights reserved.
Designed & Developed by Eenadu WebHouse
For Digital Marketing enquiries Contact : 9000180611, 040 - 23318181 eMail :marketing @eenadu.net
Best Viewed In Latest Browsers

Contents of eenadu.net are copyright protected.Copy and/or reproduction and/or re-use of contents or any part thereof, without consent of UEPL is illegal.Such persons will be prosecuted.